ខណៈពេលដែលការធ្លាក់ថ្លៃប្រាក់យន់វាបានជះឥទ្ធិពលដល់ទីផ្សារអចលនទ្រព្យបរទេសដោយរួមទាំងប្រទេសកម្ពុជាផងដែរនោះ «ការធ្លាក់ចុះយ៉ាងគំហុក» នេះនឹងទាញឲ្យមានការធ្លាក់ចុះនៃវិស័យអចលនទ្រព្យក្នុងស្រុក។ នេះបើតាមការឱ្យដឹងពីអ្នកជំនាញឧស្សាហកម្មនេះ។
ប្រទេសចិនបានធ្វើឲ្យទីផ្សារហិរញ្ញវត្ថុសកលរង្គោះរង្គើរនៅពេលដែលធនាគារប្រជាជនចិន (PBOC) បានធ្វើឲ្យធ្លាក់ចុះប្រាក់យន់ចំនួន ១,៩ ភាគរយកាលពីថ្ងៃទី ១១ ខែសីហា។ ជាការធ្លាក់ចុះដ៏ធំមួយរបស់ខ្លួននៅក្នុងរយៈពេលមួយទសវត្សរ៍ហើយបានបន្តធ្លាក់ចុះចំនួន ១,៦ ភាគរយបន្ថែមទៀតនៅថ្ងៃបន្ទាប់។
សញ្ញាបង្ហាញនូវការព្រួយបារម្ភរបស់រដ្ឋាភិបាលចិនកំពុងកើនឡើងអំពីកំណើនសេដ្ឋកិច្ចដ៏យឺតរបស់ប្រទេសនេះ។ ខណៈពេលដែលការធ្លាក់ថ្លៃប្រាក់យន់នេះត្រូវបានគេជឿថាគឺដើម្បីជំរុញវិស័យនាំចេញរបស់ប្រទេសចិនទៅវិញ។
ទោះជាយ៉ាងណានៅពេលជាមួយគ្នានេះដែរអំណាចនៃការទិញរបស់វិនិយោគិនចិននឹងត្រូវបានហាមឃាត់ក្រៅតំបន់រូបិយប័ណ្ណរបស់ខ្លួន។
ទន្ទឹមគ្នានេះដែរបញ្ហានេះបានក្លាយជាការព្រួយបារម្ភអំពីការវិនិយោគរបស់ចិននៅកម្ពុជានៅពេលការវិនិយោគរបស់ពួកគេបានរួមចំណែកដល់ការផ្លាស់ប្តូរយ៉ាងឆាប់រហ័សនៅក្នុងសង្គមកម្ពុជា។
បើយោងតាមអ្នកស្រី ទេព ថុន អនុរដ្ឋលេខាធិការក្រសួងរៀបចំដែនដី នគរូបនីយកម្ម និងសំណង់បានឲ្យដឹងថាក្នុងអំឡុងពេលបួនខែដំបូងកាលពីឆ្នាំមុនប្រទេសចិនបានបណ្តាក់ទុនប្រហែល ១,៤ ពាន់លានដុល្លារនៅក្នុងវិស័យសំណង់កម្ពុជា និងចំនួន ២,៧ ពាន់លានដុល្លារនៅក្នុងឆ្នាំ ២០១៣ ។
លោក Grant Knuckey នាយកប្រតិបត្តិធនាគារ ANZ រ៉ូយ៉ាល់ បានឱ្យដឹងផងដែរថាការផ្លាស់ប្តូរនៃតម្លៃប្រាក់យន់នេះមិនបានធ្វើឲ្យប៉ះពាល់ដល់បរិយាកាសវិនិយោគសម្រាប់វិស័យអចលនទ្រព្យនៅកម្ពុជាទេ។
លោក Knuckey បាននិយាយថា៖ «ជាការពិតណាស់ការស្នើសុំមុននេះដែលថាការធ្លាក់ចុះនៃប្រាក់យន់នេះជាធម្មតាបណ្តាលឱ្យមានលំហូរចេញការវិនិយោគពីប្រទេសចិនហើយតម្លៃអាចនឹងធ្វើឲ្យតម្រូវការសម្រាប់ការវិនិយោគអចលនទ្រព្យកើនឡើងនៅទីនេះ។ វាជាការប្រឆាំងវិចារណញ្ញាណបន្តិចប៉ុន្តែលំហូរនៃការវិនិយោគគឺវាអាចធ្វើឡើងដោយរបៀបនេះ»។
យ៉ាងណាក៏ដោយអាជ្ញាធរចិនហៅការឡើងចុះនៃរូបិយប័ណ្ណនេះថាបានធ្វើឲ្យមានអត្រាប្តូរប្រាក់របស់ខ្លួនបន្ថែមទៀតដើម្បីតម្រង់ទិសទីផ្សារ និងបាននិយាយថាវាគ្មានមូលដ្ឋានអ្វីសម្រាប់ការបន្តការធ្លាក់ថ្លៃរូបិយប័ណ្ណនោះទេ។
លោក Knuckey បន្ថែមទៀតថាប្រសិនបើវិនិយោគិនចិនបានប្រមើលមើលនិន្នាការនៃការធ្លាក់ចុះកាន់តែច្រើននោះពួកគេនឹងជ្រើសរើសយកការផ្លាស់ប្តូរសាច់ប្រាក់បន្ថែមទៀតដោយមិនគិតថា PBOC មិនមានជំហរច្បាស់លាស់ដើម្បីធ្វើឲ្យរូបិយវត្ថុធ្លាក់ចុះបន្ថែមទៀត ឬយ៉ាងណានោះទេ។
ទន្ទឹមនឹងនេះដែរអ្នកវិភាគជាន់ខ្ពស់ប្រចាំតំបន់អាស៊ីប៉ាស៊ីហ្វិកសម្រាប់ Knight Frank Asia Pacific លោក Tan Ying Kang បានឲ្យដឹងថាប្រសិនបើវិនិយោគិនបានមើលឃើញថាសេដ្ឋកិច្ចចិនកាន់តែមានហានិភ័យនោះវានឹងមានប្រយោជន៍សម្រាប់ទីផ្សារផ្សេងទៀត។
លោកបញ្ជាក់ថា៖ «ប្រសិនបើសេដ្ឋកិច្ចរបស់ប្រទេសចិនស្ថិតនៅក្នុងរដ្ឋមួយដែលអាក្រក់ជាងការគិត [ វិនិយោគិននឹង] ស្វែងរកជម្រើសផ្សេងទៀតដើម្បីរក្សាទ្រព្យរបស់ខ្លួនហើយជម្រើសផ្សេងនេះអាចជំរុញការវិនិយោគក្នុងវិស័យអចលនទ្រព្យនៅបរទេស»។
យោងតាមក្រុមហ៊ុន CBRE Cambodia, លំហូរចេញនូវមូលធនឆ្លងកាត់ព្រំដែនប្រទេសចិនចូលទៅក្នុងពាណិជ្ជកម្មអចលនទ្រព្យបានរីកចម្រើនយ៉ាងឆាប់រហ័សពោលគឺឈានដល់ ១១,៧០ ពាន់លានដុល្លារកាលពីឆ្នាំមុន។ ដោយឡែកនៅពាក់កណ្តាលឆ្នាំ ២០១៥ នេះការវិនិយោគវិស័យអចលនទ្រព្យមានចំនួនសរុប ៦,៦០ ពាន់លានដុល្លារទូទាំងពិភពលោកដោយកើនឡើង ១៩,៧០ ភាគរយក្នុងរយៈពេលដូចគ្នាកាលពីឆ្នាំមុន។
ឥទ្ធិពលនៃទីផ្សារអចលនទ្រព្យនៅបរទេសនៅមិនទាន់ត្រូវបានបង្ហាញជាមួយនឹងតួលេខចុងក្រោយនោះទេ។ ជាមួយគ្នានេះនាយករងក្រុមហ៊ុន CBRE, Griffiths បាននិយាយថាភាគច្រើនភ័ស្តុតាងនៃសេដ្ឋកិច្ចបានបង្ហាញថារូបិយប័ណ្ណដើរតួនាទីតិចតួចនៅក្នុងការវិនិយោគវិស័យអចលនទ្រព្យអន្តរប្រទេស។
លោក Griffiths បានសង្កត់ធ្ងន់ថា៖ «ទំហំនៃប្រាក់សន្សំនៅក្នុងប្រទេសចិន និងបទបញ្ជាស្ថាប័នរបស់ចិនក្នុងការកសាងជម្រើសឲ្យកាន់តែសម្បូរមានភាពធំធេងក្នុងការដោះស្រាយការធ្លាក់ថ្លៃប្រាក់យន់ក៏ដោយ ក៏ផលប៉ះពាល់នៃលំហូរនៃមូលធនពីប្រទេសចិនគឺនៅតែចូលទៅក្នុងទីផ្សារអចលនទ្រព្យពិភពលោកបើទោះបីជាវាបានឈានដល់រហូតដល់ទៅ ៨ ភាគរយដូចដែលអ្វីដែលជាការរំពឹងទុកនោះ»។
ចំនួន ២០ ភាគរយទៅ ៣០ ភាគរយនៃអាជីវកម្មគឺមានប្រភពមកពីក្រុមហ៊ុន និងពលរដ្ឋចិនដូច្នេះហើយក្រុមហ៊ុន CBRE កម្ពុជាមើលឃើញថាលំហូរការវិនិយោគពីប្រទេសចិនសម្រាប់ការវិនិយោគរយៈពេលវែង។ ហេតុផលភូមិសាស្ត្រនយោបាយ ឬពាណិជ្ជកម្ម, ហើយពួកគេរំពឹងថានឹងឃើញមានលក្ខណៈវិនិយោគបែបនេះនឹងទាក់ទាញចិននៅឆ្នាំបន្តបន្ទាប់ទៀត។
ទោះជាយ៉ាងណាអនាគតសម្រាប់ទីផ្សារអចលនទ្រព្យក្នុងស្រុកអាចនឹងត្រូវបានបំផ្លាញនៅពេលការភ័យខ្លាចពីការធ្លាក់ចុះនៃសេដ្ឋកិច្ចរបស់ប្រទេសចិនហាក់ដូចជាបន្តលងបន្លាចវិនិយោគិនដែលបណ្តាលមកពីការធ្លាក់ចុះដ៏ធំបំផុតក្នុងទីផ្សារភាគហ៊ុននៅប្រទេសចិនក្នុងរយៈពេល ៨ ឆ្នាំនៅសប្តាហ៍នេះ។
សន្ទស្សន៍ហ៊ុន Shanghai Composite របស់ចិនបានធ្លាក់ចុះពី ៨,៥ ភាគរយ និងបិទជិតត្រឹម ៧,៦ ភាគរយដែលត្រូវបានគេហៅថា «Black Monday» ឬការធ្លាក់ចុះយ៉ាងគំហុកដែលជាឈ្មោះដែលត្រូវបានហៅដោយប្រព័ន្ធផ្សព្វផ្សាយរបស់ប្រទេសចិន។ ការធ្លាក់ចុះនេះបាននាំធនាគារកណ្តាលរបស់ប្រទេសចិនអាចកាត់បន្ថយអត្រាការប្រាក់ ០,២៥ ភាគរយហើយអត្រាការប្រាក់បម្រុងមានតម្រូវការចំនួន ០,៥ ភាគរយ។
ទោះបីជាអាជ្ញាធរចិនបានឱ្យដឹងនៅក្នុងទិន្នន័យចុងក្រោយបំផុតរបស់ខ្លួនថាផលិតផលក្នុងស្រុកសរុបនៅត្រីមាសទីពីររបស់ខ្លួនបានកើនឡើង ៧ ភាគរយមតិមួយចំនួនបានជំទាស់ថាកំណើនសេដ្ឋកិច្ចរបស់ប្រទេសចិនមានកម្រិតទាបយ៉ាងខ្លាំង។
លោក Jay Menon សេដ្ឋវិទូសម្រាប់ពាណិជ្ជកម្ម និងកិច្ចសហប្រតិបត្តិការក្នុងតំបន់របស់ធនាគារអភិវឌ្ឍន៍អាស៊ីបានថ្លែងថា៖ «ទំហំនៃការធ្លាក់ចុះសេដ្ឋកិច្ចនេះគឺនៅតែមិនដឹងជាមួយនឹងការបំផ្លើសនូវតួលេខផ្លូវការប្រៀបធៀបភាពជាក់ស្តែង។ ប្រាក់យន់ត្រូវបានបញ្ចុះតម្លៃដោយសូចនាករប្រយោលដែលថាវាគឺជាទំហំធំជាងតួលេខផ្លូវការដែលត្រូវបានបង្ហាញ»។
«ទីផ្សារអចលនទ្រព្យនេះនឹងជាផ្នែកមួយនៃការស្លាប់ និងរបួសដ៏សំខាន់» លោកបានពន្យល់ថាការធ្លាក់ចុះសេដ្ឋកិច្ចរបស់ប្រទេសចិនទំនងជានឹងមានផលប៉ះពាល់គួរឱ្យកត់សម្គាល់លើសេដ្ឋកិច្ចព្រោះចិនគឺជាវិនិយោគិនដ៏សំខាន់ និងជាអ្នកផ្តល់ប្រាក់កម្ចីដល់ប្រទេសកម្ពុជា។
ខណៈពេលដែលទីផ្សារសកលនៅតែបន្តពិភាក្សាអំពីពីការធ្លាក់ថ្លៃប្រាក់យន់ និងការដួលរលំទីផ្សារជារឿងជាក់លាក់មួយ។ ការផ្លាស់ប្តូររូបិយប័ណ្ណបានប៉ះពាល់ដល់បណ្តាប្រទេសអាស៊ីផ្សេងទៀតដែលមិនបានកំណត់ចាយប្រាក់ដុល្លារអាមេរិក។
នៅថ្ងៃដដែលការធ្លាក់ចុះនៃប្រាក់យន់នេះរូបិយវត្ថុនៅតំបន់អាស៊ីបានធ្លាក់ចុះដល់កម្រិតទាបបំផុតជាក់ស្តែងប្រាក់រូពីឥណ្ឌូនេស៊ី និងប្រាក់រីងហ្គីតប្រទេសម៉ាឡេស៊ីបានធ្លាក់ចុះដល់កម្រិតទាបបំផុតមិនធ្លាប់ឃើញចាប់តាំងពីវិបត្តិហិរញ្ញវត្ថុអាស៊ីក្នុងឆ្នាំ ១៩៩៨ មក។ ប្រាក់ដុល្លារសិង្ហបុរី និងប្រាក់ប៉េសូហ្វីលីពីនបានធ្លាក់ចុះដល់កម្រិតទាបបំផុតរបស់ខ្លួននៅក្នុងរយៈពេលប្រាំឆ្នាំខណៈដែលប្រទេសកូរ៉េខាងត្បូងបានឆ្លងកាត់ ៤ ឆ្នាំនៃវិបត្តិនោះ។
សម្រាប់ប្រទេសកម្ពុជាដែលប្រើដុល្លារអាមេរិកនៅតែជារូបិយប័ណ្ណសំខាន់សម្រាប់ប្រតិបត្តិការធំនៅក្នុងប្រទេសនេះនៅតែមានឥទ្ធិពល។
លោកបន្តថានៅក្នុងលក្ខខណ្ឌនៃការទូទាត់ក្នុងតំបន់ «ជាការពិតណាស់ការធ្លាក់ថ្លៃរូបិយប័ណ្ណនេះបានកើតមានឡើងនៅក្នុងទីផ្សារជិតខាងវាធ្វើឱ្យប៉ះពាល់ដល់ទំនាក់ទំនងរបស់វិនិយោគិនចាយប្រាក់ដុល្លារអាមេរិកសម្រាប់ភាពប្រកួតប្រជែងរបស់ប្រទេសកម្ពុជា»។
«ផ្ទុយទៅវិញមនុស្សមួយចំនួនអាចមើលឃើញអចលនទ្រព្យជាប្រាក់ដុល្លារអាមេរិកនៅកម្ពុជាជារនាំងការពារហានិភ័យរូបិយប័ណ្ណដោយពួកគេមើលឃើញថាប្រាក់ដុល្លារអាមេរិកនៅតែមានឥទ្ធិពល។ នៅក្នុងរយៈពេលខ្លីមិនមានផលប៉ះពាល់អ្វីនោះទេ» គាត់បានបន្ថែមទៀតថាបច្ចុប្បន្ននេះប្រាក់ដុល្លារអាមេរិកគឺជាពិសេសទាក់ទងទៅនឹងរូបិយប័ណ្ណអាស៊ី។
ប្រសិនបើវានៅតែបន្តមានលោក Tan បានពន្យល់ថានៅក្នុងតំបន់: «វិនិយោគិនពិតជាអាចនឹងត្រូវបានទាក់ទាញចូលក្នុងប្រទេសកម្ពុជាដោយទទួលបានប្រយោជន៍ពីការឡើងចុះនៃរូបិយប័ណ្ណ»។
លោកបន្ថែមថាដោយមិនគិតថាអ្នកវិនិយោគនឹងមានការផ្លាស់ប្តូរពីបរទេសបានកើនឡើងល្អប្រសើរជាងមុនប្រសិនបើពួកគេបានបំប្លែងជារូបិយប័ណ្ណបរទេសដើម្បីប្រាក់ដុល្លារអាមេរិកក្នុងការទិញអចលនទ្រព្យនៅក្នុងប្រទេសកម្ពុជារយៈពេលប៉ុន្មានខែកន្លងមក។
លោកបន្តថាខណៈពេលដែលទិសដៅកើនឡើងនេះមិនអាចនៅស្ថិតស្ថេរ «លុះត្រាតែប្រទេសកម្ពុជានៅតែជាទីផ្សារប្រាក់ដុល្លារអាមេរិកនោះវានឹងផ្ដល់នូវជម្រើសជាច្រើនសម្រាប់វិនិយោគិនអាស៊ី»។
និយាយពីសេដ្ឋកិច្ចរបស់ចិន និងប្រាក់យន់នៅតែបន្តខ្ទរខ្ទារទូទាំងពិភពលោក។ លោក Tan បានរំឭកឡើងវិញនូវការពិតដែលថាអ្នកវិនិយោគតម្លៃរូបិយប័ណ្ណគឺមិនមែនជាកត្តាតែដែលធ្វើឲ្យវិនិយោគិនឈានទៅដល់សម្រេចចិត្តនោះទេ។ «ជាពិសេសសម្រាប់វិនិយោគិនដែលចាប់អារម្មណ៍នៅក្នុងពាណិជ្ជកម្មអចលនទ្រព្យ ការរំពឹងទុករយៈពេលវែងរបស់ប្រទេសកម្ពុជាជាការពិចារណាសំខាន់បំផុតសម្រាប់ពួកគេ»៕
___________
